Psa 31 | LXX | STEP | εἰς τὸ τέλος· ψαλμὸς τῷ Δαυιδ· ἐκστάσεως. Ἐπὶ σοί, κύριε, ἤλπισα, μὴ καταισχυνθείην Εἰς τὸν αἰῶνα· ἐν τῇ δικαιοσύνῃ σου ῥῦσαί με. καὶ ἐξελοῦ με

Psalms 31

1 ^{▼▼LXX: Psa.30:1}εἰς τὸ τέλος· ψαλμὸς τῷ Δαυιδ· ἐκστάσεως. ^{▼▼LXX: Psa.30:2}Ἐπὶ σοί, κύριε, ἤλπισα, μὴ καταισχυνθείην Εἰς τὸν αἰῶνα· ἐν τῇ δικαιοσύνῃ σου ῥῦσαί με. καὶ ἐξελοῦ με 2 ^{▼▼LXX: Psa.30:3}κλῖνον πρός με· τὸ οὖς σου, τάχυνον τοῦ ἐξελέσθαι με. γενοῦ μοι εἰς θεὸν ὑπερασπιστὴν καὶ εἰς οἶκον καταφυγῆς τοῦ σῶσαί με 3 ^{▼▼LXX: Psa.30:4}ὅτι κραταίωμά μου καὶ καταφυγή μου εἶ σὺ καὶ ἕνεκεν τοῦ ὀνόματός σου ὁδηγήσεις με· καὶ διαθρέψεις με 4 ^{▼▼LXX: Psa.30:5}ἐξάξεις με ἐκ παγίδος ταύτης, ἧς ἔκρυψάν μοι, ὅτι σὺ εἶ ὁ ὑπερασπιστής μου. 5 ^{▼▼LXX: Psa.30:6}εἰς χεῖράς σου παραθήσομαι τὸ πνεῦμά μου· ἐλυτρώσω με, κύριε ὁ θεὸς τῆς ἀληθείας. 6 ^{▼▼LXX: Psa.30:7}ἐμίσησας τοὺς διαφυλάσσοντας ματαιότητας διὰ κενῆς· ἐγὼ δὲ ἐπὶ τῷ κυρίῳ ἤλπισα. 7 ^{▼▼LXX: Psa.30:8}ἀγαλλιάσομαι καὶ εὐφρανθήσομαι ἐπὶ τῷ ἐλέει σου, ὅτι ἐπεῖδες τὴν ταπείνωσίν μου, ἔσωσας ἐκ τῶν ἀναγκῶν τὴν ψυχήν μου 8 ^{▼▼LXX: Psa.30:9}καὶ οὐ συνέκλεισάς με εἰς χεῖρας ἐχθροῦ, ἔστησας ἐν εὐρυχώρῳ τοὺς πόδας μου. 9 ^{▼▼LXX: Psa.30:10}ἐλέησόν με, κύριε, ὅτι θλίβομαι· ἐταράχθη ἐν θυμῷ ὁ ὀφθαλμός μου, ἡ ψυχή μου. καὶ ἡ γαστήρ μου 10 ^{▼▼LXX: Psa.30:11}ὅτι ἐξέλιπεν ἐν ὀδύνῃ ἡ ζωή μου, καὶ τὰ ἔτη μου ἐν στεναγμοῖς· ἠσθένησεν ἐν πτωχείᾳ ἡ ἰσχύς μου καὶ τὰ ὀστᾶ μου ἐταράχθησαν. 11 ^{▼▼LXX: Psa.30:12}παρὰ πάντας τοὺς ἐχθρούς μου, ἐγενήθην ὄνειδος καὶ τοῖς γείτοσίν μου σφόδρα καὶ φόβος τοῖς γνωστοῖς μου οἱ θεωροῦντές με ἔξω ἔφυγον ἀπ' ἐμοῦ. 12 ^{▼▼LXX: Psa.30:13}ἐπελήσθην ὡσεὶ νεκρὸς ἀπὸ καρδίας, ἐγενήθην ὡσεὶ σκεῦος ἀπολωλός. 13 ^{▼▼LXX: Psa.30:14}ὅτι ἤκουσα ψόγον πολλῶν παροικούντων κυκλόθεν· ἐν τῷ ἐπισυναχθῆναι αὐτοὺς ἅμα ἐπ' ἐμὲ τοῦ λαβεῖν τὴν ψυχήν μου ἐβουλεύσαντο. 14 ^{▼▼LXX: Psa.30:15}ἐγὼ δὲ ἐπὶ σὲ ἤλπισα, κύριε· εἶπα Σὺ εἶ ὁ θεός μου. 15 ^{▼▼LXX: Psa.30:16}ἐν ταῖς χερσίν σου οἱ καιροί μου· ῥῦσαί με. ἐκ χειρὸς ἐχθρῶν μου καὶ ἐκ τῶν καταδιωκόντων με 16 ^{▼▼LXX: Psa.30:17}ἐπίφανον τὸ πρόσωπόν σου, ἐπὶ τὸν δοῦλόν σου. σῶσόν με ἐν τῷ ἐλέει σου 17 ^{▼▼LXX: Psa.30:18}κύριε, μὴ καταισχυνθείην, ὅτι ἐπεκαλεσάμην σε· αἰσχυνθείησαν οἱ ἀσεβεῖς καὶ καταχθείησαν εἰς ᾅδου. 18 ^{▼▼LXX: Psa.30:19}ἄλαλα γενηθήτω τὰ χείλη τὰ δόλια τὰ λαλοῦντα κατὰ τοῦ δικαίου ἀνομίαν ἐν ὑπερηφανίᾳ καὶ ἐξουδενώσει. 19 ^{▼▼LXX: Psa.30:20}ὡς πολὺ τὸ πλῆθος τῆς χρηστότητός σου, κύριε, ἧς ἔκρυψας τοῖς φοβουμένοις σε, ἐξειργάσω τοῖς ἐλπίζουσιν ἐπὶ σὲ ἐναντίον τῶν υἱῶν τῶν ἀνθρώπων. 20 ^{▼▼LXX: Psa.30:21}κατακρύψεις αὐτοὺς ἐν ἀποκρύφῳ τοῦ προσώπου σου ἀπὸ ταραχῆς ἀνθρώπων, σκεπάσεις αὐτοὺς ἐν σκηνῇ ἀπὸ ἀντιλογίας γλωσσῶν. 21 ^{▼▼LXX: Psa.30:22}εὐλογητὸς κύριος, ὅτι ἐθαυμάστωσεν τὸ ἔλεος αὐτοῦ ἐν πολει περιοχῆς. 22 ^{▼▼LXX: Psa.30:23}ἐγὼ δὲ εἶπα ἐν τῇ ἐκστάσει μου Ἀπέρριμμαι ἄρα ἀπὸ προσώπου τῶν ὀφθαλμῶν σου. διὰ τοῦτο εἰσήκουσας τῆς φωνῆς τῆς δεήσεώς μου ἐν τῷ κεκραγέναι με πρὸς σέ. 23 ^{▼▼LXX: Psa.30:24}ἀγαπήσατε τὸν κύριον, πάντες οἱ ὅσιοι αὐτοῦ, ὅτι ἀληθείας ἐκζητεῖ κύριος καὶ ἀνταποδίδωσιν τοῖς περισσῶς ποιοῦσιν ὑπερηφανίαν. 24 ^{▼▼LXX: Psa.30:25}ἀνδρίζεσθε, καὶ κραταιούσθω ἡ καρδία ὑμῶν, πάντες οἱ ἐλπίζοντες ἐπὶ κύριον.